ابوذيات جديده

الخميس سبتمبر 29, 2011 7:33 pm

　
اريد ابني قصرللحب وقلعه
واطرده الحزن من گلبي وقلعه
احب لاهوازومحمره وقلعه
واحبن کل هلي البلفلاحيه
　
جبل والريح شامخ ماهوينه
وبعد شخصك يغالي ماهوينه
الجفن والعين تسال ماهو وينه
فركاك شكد صعب واثر عليه

　

وحك من صاغ اخلاقك وحياك
طلع شريان من كلبي وحياك
احبك واحترم شخصك وحياك
اخوي وصاحبي وغالي عليه
　
تدهور حالي من بعدك والأوضاع
أدور بالبخت حظي لو ضاع
تعال ودور الهاتف والأوضاع
يضل أسمك وضع لايك عليه..

　
محبتكم علينه هاي نعمه
وبعدكم مانشوف الزاد نعمه
اكواغنيه بشريط حسين نعمه
كافي من البعد حنو عليه
　
نحب كلمن يحبنا ومن هوانه
وتكلي انساني لحظه من هوانه
شمال ابعثلك انا من هوانه
وشو شرجي الهوى المرسال اليه
نجم واشركت يلمنتظر بسماك
ونجه من ندب يامهدينه بسماك
بس للثار يضحك ثغر بسماك
عجل بلفرج يبن الزجيه
　

Top of Form 1

رمنا اسهام هجرك ما رمنا
وسهم منهن بكلبي مار منه
بلكي اتصير صدفة مار مناه
شوفك ماي وآنه العطش بيBottom of Form 1

　
　
　

Bottom of Form 1

ياقلبي غرك الشيطان ولهاك
وخلاك برحى الحسبات ولهاك
مشى عنك زمان الاخذ والهاك
اجى وقت اشبقى عندك إليه

　
Top of Form 1

نص احترك من هجرك ونص طاف
وغيرك مانصب بحر حبي ونص طاف
ريت المدرسة ترجع ونص طاف
وابدلك بالعلم واخذ تحية

Bottom of Form 1
　

ثوب الحزن بفراقك لبسنه
ثقيل الطبع طبعه لو لبسنه ؟
ولك خدك ماوصلنا له لا بسنه
تزعل ليش يامدلل عليه

　

حلو اسمك وابوك شلون سماك
حبيبك لو زعل وياك سماك
صرت سمچه وانت الصرت سماك
لو طحت بحنانك اعطف عليه

　

العقل بأمر الصديق ارجوك حكمه
وبدال النكته خلها تكون حكمه
اليغدر صاحبه مو مهم حكمه
المهم شلون نتلافه القضيه
　
　
نار فراكم بالقلب ماجن
وعليكم زين عندي عقل ماجن
رسايلكم عجب لليوم ماجن
السبب شنهو گطعتوهن عليا؟

سن سيفة الدهر بحشاي سنتين
مو حسافه العمر وياك سنتين
ابشرك من رصيدي بقآ سنتين
واذا عندك رصيد اتصل بيه

انه الصياد صادتني شبكتك
دخيل الله شكثر حلوه شبگتك
ادگ عليك مشغولة شبكتك
واظن مقفل جهازك بس عليه

رساله شوگ يالمحبوب ودلـــي
مثل ماوديت الك باخلاص ودلي
دلو غيري يجي متروس ودلــي
من البير ويرد فارغ بـــــــــديه

يفز گلبي گبلگ اه ...لو صاح
وتهت سكران انه بيك...لوصاح
غلط حبي الك معرفت ...لو صح
حبيتك انه والبلوه عليه

عن حبكم اريد اهجر بعد ...مارد
چي حبكم صفى لچلاي ...مـــــارد
اگله هاك عيوني اخذة يگول ...مارد
اگصصهن لو بعد تنطيك ادية

تكلي بعد ما اريدك ولا ابيك
هاي اطباع مو منك ولا بيك
ابد ما الوم والدتك ولا ابيك
الوم الوكت الرهاك عليه

اريد اكصد لعد كلبك وظيفه
واحط حبي على حبك وظييفه
اذا هذا العشك صاير وظيفه
ما اطلع تقاعد للمنيه

الحزن لاجلك هويتة صار مني
وليالي هواي بعدك صارمني
شتريد الكلب؟ اخذة صار مني
اخذ شتريد بس ارجع الية.....

صخر ما اذوب بس كوة اذب لك
سكيتك وانا بيدي اكدر اذبلك
يكلبي انوب اذا تعشك اذب لك
نفط وبنار احركنك بدية

بعلاقتنة منو الخربط وشر بك
وجنت بيدي اوكلنك واشربك
حقد شايل علي كلبك وشر بيك
وتخالفنة وحلم نرجع سوية

تسلم عيونك ليا
وتسلم فيك الحنيه
ولوسالوني عن امنيه
اقول ربي يخلك ليا

قلم كلبي تداين ورقة منك
وابد ماكو بجمالك وارقى منك
اسجلك راح الاول ورقمنك
واكتب لالفته محجوز اليه

كالو نساك و راح
و اليوم انت وحداني
كلت هو شوكت تذكرني
حتى اليوم ينساني

شكرآ لكل من كتب هذه الابوذيات

سلاامي احمد الايطالي

الثلاثاء فبراير 14, 2012 10:44 pm

كلماات روعه

عااشت ايدك غلاي

مااننحرم منك

ودي

الخميس فبراير 23, 2012 4:53 pm

يسلمو كلام روعة
الف تحية الك
تقبل مروري البسيط

ابوذيات جديده

ابوذيات جديده

رد: ابوذيات جديده

رد: ابوذيات جديده