هديتي لكم..والى كل العشاق الذين يسيرون نحو دروب الشمس دون ان يسقطو..

الأربعاء مارس 02, 2011 5:04 pm

أنني أرى بأن الحب يزداد تعلقاً...ويزداد تعلقاً حقيقياً بالكلمه التي يراها تسبح في فجر الأنسان القادم.......لذا فأنني اهدي ماكتبت لكل العشاق......
لأتلمس مشاعرهم وأشواقهم وأشعر بوجودي..

حلم باجر
فرح باجر
أمل باجر
يرف بكَلوبنه ويشهكَّ..ويطوف أبكل جفن غافي
يطرز عمرك وعمري....
ويمد روحه أبحلاة النوم..،
نهرة خمره بين أشفاك وأشفافي

أدعيلك

أدعيلك عساك أتعيش ألف عام..
وأكَولك للأبد يحفظك ربك
وأكَلك أني ورطه أتورطت بيك..
وتخلص ورطتي أمنتكَول أحبك
زعلتك صدكّ بس جيت أرضيك..
وأصابيعي شمع ضون بدربك
وشلع كَلبي ورد من بين الضلوع..
وكتبتني القصيده البيهه أكتبك
أنتخه الجكليت وأطشر عالبيوت..
وكَلبي من الفرح حسيته كَلبك
دكافي من الزعل شكَ التقاويم..
ذنبي أنته حبيبي وأنه ذنبك
سويت العمر ساحة مراجيح..
يخلص ياوكت ويايه لعبك