فنانين

الثلاثاء أكتوبر 11, 2011 2:14 am

دخل الاستاذ الى القاعة وكال السلام عليكم رد علية حسام الرسام وكال (احن الك كل يوم واشتاك لك ) وكال الاستاذ خلونة نراجع المحاضرة مال البارحة ... ... رد علية محمد السالم وكال (بلة بلة بلة بلبلة ) (يعني عوفنة منهة ) وكال الاستاذ لدالي كومي اشرحي المحاضرة الفاتت ردت علية وكالتلة (دعوفني رحمة على ابيك ) التفت الاستاذ ولكة عادل المختار ديحجي وية الي يمة وضربة الاستاذ رد علية عادل المختار ( لا تضربني ...لا تضرب كسرت الخيزرانة صارلي سنة و6 اشهر من ضربتك وجعانة ) وبعدين الاستاذ شاف نصرت البدر ديباوع على مسبح الكلية وكالة شدسوي كالة نصرت (راح وايست منة غرك بالماي ) اجة الاستاذ و فتش دفتر محمد السالم ولكاه ناقص كالة هاي شنو رد علية محمد السالم ( اني راح اكتب بداية وانتة اكتب التكملة) وجان يسمع الاستاذ وائل كفوري ديحجي كالة الاستاذ ليش الحجي رد علية وائل كفوري وكالة ( سألوني ... سألوني ) وبعدين الاستاذ شاف محمد عبد الجبار صافن وحزنان اجة علية الاستاذ وكالة شبيك كالة محمد عبد الجبار ( من عيني دم يجري وبحالي ما تدري ) وتخبل الاستاذ منهم كاللهم والله انو ما منكم خير وشاف القاعة و مو نظيفة كاللهم الاستاذ على منو النظافة اليوم رد علية كالظم الساهر وكالة ( انا وليلى ) كام الاستاذ وعاقب كاظم الساهر وجاي يضرب ليلى لكاها مشغولة ودتحجي كام الاستاذ وضربهة بالمساحة مال سبورة واجتي الضربة باصالة وجان تعيط اصالة ( يامجنون مش انا ليلى ) وطلع المدرس دفتر الحضور وديذيع بالاسماء وجان يجي رعد الناصري متأخر وشافة الاستاذ وكال (ذكرنا القط كام نط ) وضحكو علية الطلاب وجان يضوج رعد الناصري وكالة (اسويهة صدك وازعل ولا جيك ولا اريدك تمر بي ولا امر بيك ) وبالنهاية اجل الاستاذ المحاضرة على الاسبوع الجاي وكاموا كلهم يهووسون ويصيحون (دا حلمنا طول عمرنا )