شوفو الولد اشلون يكلي البيض

الولد شون يكلون بيض والبنت شلون
نبدأ مع البنات وطريقتهن في قلي البيض

1 – تخلي شويه دهن بالطاوة
2 – شخاطة وتشعل وحده من عيون الطباخ
3 – تكسر البيضات ويه الملح بالطاوة
4 – تنتظر كم دقيقة ... والف عافية تاكل البيض المقلي


هسا خل نشوف الوِلد شلون يكلي بيض
1 – يبحث عن الطاوة بكل زاوية بالمطبخ
2 - بعد لحظات وبعد مايخربط اوضاع المطبخ .. يلكاهه للطاوة
3 – يخلي الطاوة فوك الطباخ
4 – يخلي دهن بالطاوة
5 – يروح ع الثلاجة يدور ع البيض
6 – مفاجأة . مايلكه غير بيضة وحدة
7 – يكوم يفشر ويدردم
8 – يدور ع الشخاطة .. ومايلكاهه
9 – يضطر يستعمل الجداحة
10- يغسل الطاوة .. لان بيهه ريحة طرشي .. لان صاحبنا طلع خال ماي طرشي بمكان الدهن
يخلي الطاوة ع النار .. والنوب يخلي دهن من صدك
12- ينظف الطباخ من بقايا البيضة اللي انكسرت ونصها وكع ع الطباخ
13 – يفشر ويسب ويدردم
14 – يروح للاسواق براس الشارع ويشتري 20 بيضة
15 – يفتح التلفزيون .. ويعلي صوته
الدهن يحترك .. وياخذهه ويديرهه بالزبالة
17 – يكسر جم بيضة بالطاوة ...
18 – يروح يدور ع المملحة
19 – يلكه المملحة .. بس فارغة .. هم يكوم يدردم
20 – يدور ع الباكيت مال الملح
21 – يترس المملحة
يسمع المعلق مال الطوبة .. ويروح ركض يم التلفزيون
23 – يخلي المملحة ع الميز .. ويكعد يتفرج طوبة
يشتم ريحة عطاب .. الطاوة والبيضات عطبن
يكوم يسب .. ويذبهن البيضات والدهن المحروك بالزبالة
26- يخلي دهن وبيض بالطاوة
يجيب جنكال استيل ويخوطهن
28 – يسمع المعلق يصيح ( كووووول ) يركض يروح يم التلفزيون
29 – بسرعة يرجع للمطبخ
30 – الطاوة موادهه اختلطت ويه البيض والدهن .. لان الافندي استعمل الجنكال الاستيل وشلع المواد العازلة مال الطاوة
31 – يشيل الطاوة اللي خربت ويه البيضات ويذبهن بالزبالة
32 – يروح يدور على طاوة فافون
ماكوطاوة .. يجيب جدر ويخلي ع النار ويه الدهن والبيضات
جم دقيقة يصفن عليهن .. وعصافير بطنه يوصوصن
يتذكر الملح ويروح ركض وياخذه من يم التلفزيون
36 – ياخذه الواهس ويكعد يتفرج تلفزيون
37 – يتذكر الاكل ويكوم ركض
38 – يدوس على بقية بياض البيض ع الكاع ويزلك
39 – يكوم يدردم ويسب .. ويكعد عله حيله
40 – المملحة اللي انكسرت .. يذبهه بالزبالة
41 – يشيل الجدر .. ايده تحترك ويتركهه بسرعة
42 – يكوم يسب ويركض يفتح البوري مال ماي ويخلي اصابعه المحتركات جوه المي
43 – ياخذ وصلة قماش ويشيل الجدر بيهه
44 – وصلة القماش تحترك .. يذبهه بالكاع ويدوس عليهه .. يطفيهه برجله
45 – ينزل يروح يم رعد ابو الفلافل .. يشتري لفة ويرجع يكعد كدام التلفزيون وياكلهه[/size]
[/center]

ههههههههه

تيتي تيتي مثل مرحتي جيتي

درب الشاااب على الفلافل هع

ههههههههههههههههههههههههههههههه قصة عنتر سواها موبيض تسلم ياوردة