- جنةافضل عضو ماسي في المنتدى 1
- احترام القوانين :
احترام الردود :
عدد المساهمات : 200
تاريخ التسجيل : 03/12/2011
العمر : 48
العمل/الترفيه : الشعر
عادي
بنت الليـــــــــــــــــــل
الإثنين ديسمبر 26, 2011 8:18 pm
كلبي من الزغر عالصبرعلمته
ومن كد مايمرني الحزن ضيفته
بت عمري ابرخص لمن لفاني العوز
بس اسم الوطن والله مابعته
شلته ابناظري ابروحي ابظميري اسنين
واول ماطلبني العمر قدمته
وشلت حبة حرز ماطاح من يمناي
ومن بخته اكبرت والوفه اتعلمته
مامليت يوم ولابخلت ابيوم
والغالي لجل الوطن رخصته
علمني ابوي الوطن قبله ايصير
اذا مبحث القبله ابيوم تيهته
وعلمني ابوي الوطن خبزه ايصير
بحلوك اليتامه وتكل ابخته
وعلمني ابوي الوطن يعني الدين
ولهذا السبب هالوطن قدسته
امس فاض الحزن بيه وترسني اهموم
وحدي ابغير واهس ليلي ساهرته
وشفت يمي الوطن شايل احدوده انسان
مد ايده عليه وكمت قبلته
مثل عاشك العاشك عين حظنت عين
صبرني وبجيت وبجه وصبرته
مامديت اديه اعليه وادري تلوح
ماغرني ابصفاره الذهب من شفته
اجوع وتدني نفسي اعله الخبز مرات
بس اكل بروحي وانهضم سكته
واكول شماتضك باجر علي اتهون
واصبر واصبر وياي تعبته
من نخل العراق الماتهزه الريح
بحروف الرفض هالعمر شيمته
ومن طيب وكرم هالناس بيه اطباع
مادك بابي جف وخالي رجعته
اجود ابدمع عينيووالعليه انطيه
واحبس مشتهاي واخنك ابونته
جوعني الزمن بس ماخنت والله
ومن طاح الوطن ماكلت خاصرته
غيري الباك منه وغيري ساووم بي
وغيري الباع ذاته وشرب من صحته
طلكت الفرح من شفت شعبي انهان
وزاعلت الشبع والجوع صاحبته
وهذا انه عراقي من الجدم للراس
ابزز من اثور واكسر السكته
لاتجبرني اسولف اسوالف مالي حيل الصار
توني اعله التقيه الساني علمته
لتفزز جرح وبحطب تطفي النار
وتخليني اطلك المستحه وعلته
زيبك صبر روحي وكوه المن بي
وحاسدهه الظلوع اشلون شايلته
الميتلي وطن ميرده الاستنكار
ومايدري ابمصيري العايش ابذلته
بلا رباط اسولف والشعب ميموت
وخيفسر كلامي الماحفظ بخته
هذا الفيل رد وكسره يم الباب
وسعد خدران بعض الدول حاظنته
والكرسي يتحرك مثل(بنت الليل)
ياهو يبيع عرضه ايصير من حصته
موخلص شعبه من القتل والجور
البالخضراء نايم ماسمع قصته
مورد الجمل رد والقميص وياه
يطلب دم اجانه ومره مسيرته
والقران رد فوك الرمح مرفوع
وينك يبن الاشتر كوم ماشفته
هاي الناس موته اوباكو البستان
والفلاح مات وافرهدو سلته
والدين ايتحسر والعيون اتشوف
والراعي صنم ماتنشكل ذمته
وبيبان الظماير زنجراهه الخوف
والدولار دين الناس عابته
وماعدنه علي ولابينه ذو الفقار ناس
بس احلف يمين بكل حرف كلته
(قطام)ابهلوطن لاكن ابزي رجال
ثوب الدين لجل الفتنه لابسته
واخاف احجي بعد وانحسب عالارهاب
وادري انه الصدك مات ورحل وكته
صار بالهزمن عندي الصدك مسجون
واعرف ناس مثلي اهواي ساجنته
معقوله الشمر يطلب ابدم (حسين)
ويبجي اعله الرضيع وتنسمع ونته
ومعقوله التشيع بالتراب ينقاس
ويقود الجمع كلمن حرك كصته
دخليني اعله بختك ياصبر ياناس
يادم ياعمر يازيد يالفته
مرتين الحسين ابكربلانه ايموت
ومرتين انذبح والناس ناهبته
بجفوف الشمر مره انذبح عطشان
وهسه اعمامه الدجال ذابحته
- فارس الغرامافضل عضو ماسي في المنتدى (2)
- احترام القوانين :
احترام الردود :
عدد المساهمات : 237
تاريخ التسجيل : 06/01/2011
رد: بنت الليـــــــــــــــــــل
الثلاثاء ديسمبر 27, 2011 3:52 am
عاشت الايادي روووووووووعة
- جنةافضل عضو ماسي في المنتدى 1
- احترام القوانين :
احترام الردود :
عدد المساهمات : 200
تاريخ التسجيل : 03/12/2011
العمر : 48
العمل/الترفيه : الشعر
عادي
رد: بنت الليـــــــــــــــــــل
الثلاثاء ديسمبر 27, 2011 3:56 am
فارس الغرام كتب:عاشت الايادي روووووووووعة
نورت الموضوع اخي فارس
- بحر العشاقعضو ماسي مميز
- احترام القوانين :
احترام الردود :
عدد المساهمات : 160
تاريخ التسجيل : 20/02/2012
العمر : 36
الموقع : بغداد
العمل/الترفيه : منتسب لوزارة الدفاع
راقي لئني عراقي
رد: بنت الليـــــــــــــــــــل
الخميس فبراير 23, 2012 5:01 pm
يسلمو كلام روعة
الف تحية الج ياورعة
تقبلي مروري
الف تحية الج ياورعة
تقبلي مروري
- جنةافضل عضو ماسي في المنتدى 1
- احترام القوانين :
احترام الردود :
عدد المساهمات : 200
تاريخ التسجيل : 03/12/2011
العمر : 48
العمل/الترفيه : الشعر
عادي
رد: بنت الليـــــــــــــــــــل
الجمعة فبراير 24, 2012 1:34 am
تشرفت بمرورك الرائع ع متصفحيبحر العشاق كتب:يسلمو كلام روعة
الف تحية الج ياورعة
تقبلي مروري
صلاحيات هذا المنتدى:
لاتستطيع الرد على المواضيع في هذا المنتدى