الورد والعيون

الثلاثاء ديسمبر 27, 2011 11:09 pm

يا عيني شبقالج حتى تطفــــــــين

خلص مايج كثر ما طاحت دمــوع

خلصتي العمر بس نوح تبجــــين

وسجينة زمانج حــــــدر الضلوع

شحصلتي بعد مو راح تعــــــمين

واليفكد ضواه شتفيده الشمــــوع

وين الدنيا ماخذته وصبح ويــــن

الغياب هواي طول فوك الاسبوع

ودورنه عليه كــــــــــل العناوين

ولا نلكاه بعد من بين الجــــموع

اصرخ يا ورد بجــــي السنــادين

مثل صرخة طفل لو موته الجوع

اصرخ واكتب اسمه اعله الحياطين

واحفرة اعلة القلب لو جان ممنوع

تدري شكد ترف جوري البساتين

وبس توصل لشفته يطيح ويموع

حلو كلش ولا تقيسة المـــيازين

ولا ادري يربي اشلون مصنوع

عسل بعيونه والشفة طعم تين