الاخت زهراء باستضافة كرسي الاعتراف...

تسلمو يا اخواني الاعزاء اسئلتكم كلش حلوة وماكو اي احراج وراح اجاوب على كل الاسئلة وبكل صراحة..

هسه راح اجاوب على اسئلة ميروو
1-منو عرفج بالمنتدى او اشلون سجلتي بي
ج- آني جنت طالبة في االمعهد قسم المحاسبة واتخرجت قبل عشر سنوات بتقدير جيد جدا ، جنت احلم بالتعيين او اكمل الدراسة يعني آخذ شهادات عالية ، هواية حاولت بس ما صارت.
بعد التخرج بسنة صار قسمة واتزوجت واجيت للغربة في سنة 2002 .
وصار لي مدة داابحث عن اصدقائي وصديقاتي ايام المعهد عن طريق facebook ، ولكيت هاي المنتدى الرائعة عن طريق ال facebook .
2-شنو رأيج بالحب
ج-ماكو احلى من الحب ، اذا ماكو حب ماكو حياة.
3-هل تؤيدين حب بالنت؟
ج-لا ما ائيد ، وما اعرف اشلون يحبون شخص وما شايفينه ....غريبه..
4-اكثر عضو مقرب الج
ج-كلكم احسكم مثل اخواني
5-اكثر عضو اتحبين تلتقين بي
ج-كل الاعضاء احب التقي بيهم
6-اكثر شي تكرهي بالحياه
ج-الكذب والثرثرة
7-اكثر مقوله اتحبيها
ج-يكفي أن يحبك قلب واحد لكي تعيش .
8-اكثر قناه تشاهديها
ج-kanal D التركية و قناة الناس
9-اكثر غلطه غلطيها وندمانه عليها
ج-ما كو والحمدلله

وهسة اجاوب على اسئلة ROMANTIC BOY

رأيي ب ROMANTIC ... romantic رغم صغر سنة ، تفكيرة واخلاقه مثل واحد عمره 30 سنة ، يعني شخص يعتمد عليه.

رأيي ب Miro ..miro هم ماشالله عليه كلش محبوب ومميز.

رأيي ب اسيرةالحب ... بنوتة مدللا وحلوة.

رأيي ب احمد الايطالي ..شخص كلش ذكي.

رأيي ب alico ... كلش حباب وطيب .

رأيي ب my princess ....شخص رومانسي

هذي اللى احس بيه، ما ادري بعد احساسي صح لو غلط .

اما بالنسبة عن نفسي ما اكدر اوصف نفسي بشي ، بس اعتقد على كولة زوجي الكريم بأن آني كلش هادئة وصبورة ، على كولتة .

اني هم اشكركم اخواني الاعزاء miro و Romantic

بقيت اني رومانتك اني زعلت ليش ما ضفت اسم المشاغب؟؟؟

اختي زهراء راح ابدء اسئلتي واتحملي مشاغباتي اشويه:
1-كيف عرفتي زوجكي (وصارت القسمه)؟
2-هل تقبلين زوجك يتزوج عليج؟؟؟
3-اشكد جنتي تشترين نساتل بلمعهد وهسه اشكد تاكلين نساتل؟؟؟
4-لو صارت عندج جنه(كنه) اشلون راح اتعاملينه؟؟؟؟
5-لو عرفتي ان ابنج يخون زوجته راح اتبلغينه او تتتشمتين بيها؟؟
اعتقد هلكد كافي؟؟؟ 

الى اللقاء هاي اذا حبيتي ارجع اسئلج هع

نشكرج اخت زهرة ع الاجوبة الحلوة ونشكر احساسج تجاهنا
وهاي الاحاسيس تنبع من الطيبة التي تتحلين بيها
ما راح اسئل اي اسئلة لان الاخوان سئلو بما يكفي

ااحمد الايطااااااااللييييييييييي اسئلتك كلش حلوة وراح اجاوب عليها كللللللللها . بس احتاج فد جم سااااااعه ، لان ما عندي keyboard عربي داأكتب من الويب وبعدين copy وبعدها paste
اويييييييليييييييي

My Princess
نشكرج اخت زهرة ع الاجوبة الحلوة ونشكر احساسج تجاهنا
وهاي الاحاسيس تنبع من الطيبة التي تتحلين بيها
ما راح اسئل اي اسئلة لان الاخوان سئلو بما يكفي



اشكرك هواية اخوية العزيزmy princess ، اي والله الايطالي ما قصر بالاسئلة هههههههه.

وهسة راح اجاوب على اسئلة الايطالي الفقرة الثانية


الســـؤال الاووول ؟؟؟
راح انطيج شغلات وانتي اهديـهـا؟؟؟
ســاعــة ....لزوجي.......
موبـايـل .....لاخوي الاصغر.......
سـيـارة ....لاخوي الاكبر......
سـوار.....لاختي......
باقـة ورد .....لامي.......
توقيع ......لصديقتي........
جكليته ......لبنتي.........
علج بوبي .....لابني..........


الـسـؤال الـثـانـي ؟؟؟
راح انطيج اسماء مطربين ورتبيهم
حسب مـا أنتي تحبيهم ؟؟؟


وائل كفوري...فضل شاكر ..تامر عاشور

مايا نصري ...مادلين مطر ...اليسـا

نصرت البدر ...علي بدر ...وليد الشامي

ماجد المهندس ..حسام الرسام.. كاظم الساهر

ج-الاول والاخر ....القيصر......كاظم الساهر.........


الســـؤال الـثـالـث ؟؟؟
راح انطيج اغاني والمن تهديها؟؟؟

روح قلبي ...تامر حسني-----زوجي
جاي الوقت ...مايا نصري----لصديقتي
هل الايام ..حسام الرسام-----وطني الغالي العراق
انسى ...ماجد المهندس-----لامي
بوسه ...نصرت البدر-----لبنتي
عايل ..كاظم الساهر ----لاختي الوحيدة
ماكو شي ...دالــي----الاخوية الاكبر
بتمون .....اليســا----لابني
من غيري أنا ..نانسي----لزوجييييييييي
ضلت بنفسي...علي بدر-----وطني الغالي العرااااااااق
راجع لهم ...وليد الشامي-----هاي الاغنية بية انتقام ههههههه وآني ما اهديها لاحد.



الـســؤال الـرابـع ؟؟؟

راح انطيج اللقاب والمن تحبين تهديها؟؟؟

عضوو وكيح ....انت يا ايطالي......
عضوو مزعج ....ماكو مزعجين.......
عضو محبوب ...همسات مجنونه......
عضوو عسول .....المشاغب.......
عضوو مميز ......mero........
عضو اله شعبيه ....alico.....
عضوو مثابر....Romantic......
عضو كسول .....ماكو......
عضوو مبدع .....Romantic....
عضوو نشيط ......my princess......
عضو دلوع ....اسيرة الحب....
عضوو مغرور ....ماكو....
عضوو اناني ...ماكو....
عضوو متكبر .....ماكو...
عضوو مشاكس ....الايطالي......
عضوو حزين .....ماكو......
عضووو ينحب بسرعه ...الايطالي....

السـؤال الخامس والاخير ؟؟
1- حكمه او مقوله دائما ترددينها؟؟
ج-يكفي أن يحبك قلب واحد لكي تعيش .

2- صفاتكِ الايجابيه والسلبيه؟
جاوبت عليها في الفقرة الاولى


3- رأيكِ بالمنتدى ؟ و هل هناك سلبيات فيه ؟
ج-المنتدى بغاية الروعة وما بيه سلبيات.

4- اول خمسة اعضاء تعرفتي عليهم.؟
ج-Romantic..Mero..اسيرة..الايطالي ..المشاغب

5-كيف تصفين الدنيا في هذا الزمن ؟
ج-الدنيا نفس الدنيا ما اتغير ، بس الناس اتغيرو، مع الاسف

6- اعضاء تعجبكِ مساهماتهم في المنتدى ؟ و لماذا ؟
ج-كل الاعضاء مساهماتهم حلوة و مفيدة

7- ماهي الامنية التي تتمني تحقيقها؟
ج-الحصول على شهادة عالية .


8- ما هي الأمور التي تصعب عليكِ ذكر كلمة ( لا ) عندها ؟
ج-عندما يطلب ابني مني شيئا.

9- ماهو الشيء الذي يطاردكِ في كل مكان وانتي تهربي منه ؟
ج-ماكو والحمدلله

10- ما هواسعد واحب الاخبار الى قلبكِ؟
ج-اخبار امي الغالية

11- من هي اعز صديقة لكِ هنا بالمنتدى وماذا تتمني لها ؟
ج-وين ماكو بنات ، بس اعرف اسيرة ، رحبت بي لمن اجيت واتمنى الها كل خير في الحياة .

12- كم عدد أخوتج و خواتج وشنو ترتيبج بيناتهم؟؟؟
ج-احنه 4 وآني رقم 2

13-لو سافرتي باريس واشتريتي ثلاث عطورهديه لثلاثه اعضاء من المنتدى !! لمين تعطيها ؟!
ج-المشاغب-همسات-alico

14-موقف حصل فى حياتك غير حياتك؟
ج-عندما اصبحت اما.

15-اكتر برنامج مفضل عندج؟
ج-البرامج المفضلة......المسابقات

16-الاكله المفضله عندج؟
ج-الكبة.الدولمة.

17-المشروب المفضل؟
المي.

18-هل انتي عنيدة؟
كلش.

19-متى تقرئين ابراج ؟
ج-احيانا لان ما اصدك

20- هل انتي مشاكسه؟؟؟
ج-ابدا لا.

21-يا صورة مخليتهه خلفية للحاسبة هسة؟؟
hhhhhhhhhhhhhhhhhhhhh صورة احجار .


22-ماذا تعنيلك هذه الكلمات التاليه
الحب...شعور ما في اجمل منه، لذة الحياة.
...الصداقة....صديق وقت الشدة والرخاء
...الام.......منبع الحنان
...الحياة...الحياة ما هي الا قصة قصيرة
...الاخت...روحي وحبيبتي
...الوفاء.....احلى ما في الكون


23-هل رسبتي مره فى المدرسه؟؟
ج- لا والحمدلله

24-موقف متنسي حصلك فى حياتك الدراسيه ؟
ج-ههههه اي والله فد يوم بالمتوسطة جنت اريدانهزم من المدرسة ، الحايط مال المدرسة ما جان عالي فاثناء المحاولة المديرة لزمتني ههههههههه وكلش اتعجبت وكالت انت الهادئة والعاقلة تسوين هيج لعد الباقي الله يعينهم .والله آني هم ما ادري ليش سويت هاي المجازفة.

25-اكتر المواد تحبيها هل الادبيه ام العلميه؟
ج-العلمية

26-شنوأحلى حلم حلمتيه ؟
ج-ان اصعد باخرة عبر القارات.

27-ما هو هدفكِ في الحياة ؟
ج- اكمال الدراسة والشهادة العالية ، وتربية اولادي احسن تربية.

28-ماهو القسم الذي تفضليه في المنتدى ؟
ج- قسم القصص والروايات...والقسم الاسلامي.

29-ما القسم اللي متعرفين تشاركين فيه بالمنتدى ؟
ج-قسم كرة القدم هههههههه.

30-أكثر شيء عاجبج في المنتدى؟
ج-الاحترام وحب الاعضاء بعضهم البعض.والنفوس الطيبة مثلكم.


31-أكثر شي مضايقج في المنتدى؟
ج-ماكو

32-هل تثقين في احد من أصحابك ؟
ج- طبعا اثق بالاصدقاء.



33-عندما تضطرين لمجالسة شخص لا تحبينه ماذا تفعلين .. ؟!
ج-بعد 5 دقائق انهزم ، لان ما اكدر صعب

34-هل أنتي ممن يقتنعون بسرعه؟
ج-نعم وبسرعة

35-أحب أوقاتك متي ومع من؟
ج-بعد صلاة المغرب عندما نجتمع في البيت مع اولادي وزوجي.

36-ماالشيء الذي يجعلكِ تنفجرين من الغضب؟
ج-لمن واحد يكذب ويباوع على عيني . وآني اعرف انو يكذب


37-نوع العمل الذي تقضيه في عطلة الأسبوع؟
ج-الاعمال المنزلية

38-أحلا يوم في حياتكِ؟
ج-يوم ولادة ابني.

39-اذكري اشياء تحبيها ولا تستغني عنها ؟
ج-الكومبيوتر ، العطور والملابس الانيقة ، الاكسسوارات

40-توقيع لفت إنتباهج بالمنتدى؟
ج-ما افتهمت العفو

41-ماهو شعوركِ عندما يطرح عليكِ سؤال تعجزين عن الرد عليه؟
ج-اشعر بالاحراج طبعا، و من ابقى وحدي انفجر من البجي

42-عضو مواضيعه وردوده تعجبج ويستحق لقب مبدع بالنسبه الج؟
ج- Romantic والايطالي

43-هل تعتقدين انكِ موهوبه؟ وبماذا؟
ج-لا ما اجى شي اببالي.

44-يوم تنتظريه بفارغ الصبر ؟.. ولماذا؟
ج-يوم اللقاء بامي العزيزة واخوتي الاعزاء، لان كلش مشتاقة الهم.

45-هل انتي شخصية ناجحة و لماذا؟
ج- اني كلش محظوظة لان والحمد لله ابد ما فشلت ابحياتي ، واعتقد اني شخصية ناجحة.

46-هل انتي محبوبه؟ولماذا؟
ج-الحمدلله ،اني احب الناس والناس يحبوني.

47-هل انتي طيبة ؟ ومامدى طيبتكِ للناس ؟
ج-والله يا ايطالي دخت

48-ماهي نقطة ضعفك؟
ج-اولادي.

49-ماذا قدمتي للمنتدى حتى الآن ؟
ج-احاول اقدم مواضيع مفيدة ، بس لحد الان ما اظن مقدمة هواية مساهمات

50-ما مدى رضى الاعضاء عنكِ؟
ج-والله ما ادري اسألهم.انشالله راضين

51-اجمل موضوع قراتيه و تحبي تقريه و لمن ؟؟
ج-البرحة قريت موضوع عن الحب الحقيقي في الاسلام ل Romantic كلش عجبتني

52-الأزهار والورود ... تضفي للحياة بعدا آخر ... ماموقعها في حياتكِ؟
ج-ماكو احلى من الزهور ودائما موجودة في كل زاوية من بيتي.


53-حين تكونين بمفردكِ.... ماذا تفعلين؟
ج-اقرأ القرآن

54-هل تتمني أن تكونين في بلد آخر هذه اللحظة ... ماهو البلد؟ لماذا؟
ج-العراق ...لان كلش مشتاقة

55-آخر موضوع شدك ونال اعجابك في المنتدى ؟؟
ج-موضوع الدنيا علبة ألوان .... والبشر أقلامــــها الملونة ل my princess

56-شخصية كرتونية محببة لديكِ؟؟؟
ج-shown the sheep الخروف الصغير

57-هل تري انكِ مظلومه في دنياك.......؟؟؟
ج- لا والحمد لله

58-مامدى الاتفاق والاختلاف بين عقلك وقلبك......ومن اقوى فيهما....؟؟
ج-اختلاف بسيط ، طبعا عقلي اقوى من قلبي.

59-اشكــد طــولــج و وزنـــــج؟؟؟
ج-طولي cm 164 ... ووزني٥٧ 57 kg

60- تتمنين ارجعلج ويه اسئله لخ لولا؟؟
hhhhhhhhhhhhhhhhhhhhhhhhhhhhhh لا ما قصرت لا تجي

ااخواني الاعزاء اشكركم اهوايه باستضافتي على كرسي الاعتراف ، قضيت اوقاتا ممتعا ، مرات ضحكت، ومرات صرت كلش جدية، ومرات شعرت ابحزن لمن اتذكرت اهلي ووطني الغالي ، حسيت نفسي كاعدة بنص اهلي وية اخواني ، اشكركم هواااااااية.

اخوية العزيز احمد الايطالي ، هسة افتهمت السؤال رقم ٤٠
40-توقيع لفت إنتباهج بالمنتدى؟
ج- والله ابصراحة كل التوقيعات حلوة وعجبتني.

بالنسبة للاخ العزيز alico عنده بس سؤالين .
شنو رأيج بالحب قبل الزواج وبعد الزواج؟
ج- الحب نفسة حب قبل او بعد الزواج ، بس المهم يكون من طرفين، واكو فد اختلافُ للحب بعد الزواج وهو العشرة يعني تعيش وية الشخص اللى تحبة وتتعود علية ، ففي هذه الحالة يكون الحب اقوى ، يعني ما تكدر تفارقه ابد.

وهل تعتقدين بان الي يبالغ بحبه راح ينصدم فد يوم من حبيبته؟

ج-اذا تحب ابجد ما راح تصدم حبيبها ، بالعكس ترتبط بيه اكثر .

اشكرك اهواااااايه اخوية العزيز علاوي اسعدني اسئلتك الحلوة .

يا هلا بيك اخوية alico منور المنتدى

اما انت يا اخوية الوكيح ايطالي ، يجي يوم وأسأل منك اسئلة مثل القنابل........